Во бременоста може да дојде до затнување, но и до крварење од носот. Не се грижите доколку забележите траги крв на хартиеното шамивче.
Што предизвикува крварење од носот за време на бременоста?
За време на бременоста, телото произведува многу повеќе крв. Ситните капилари се преполни, пукаат, па доаѓа до крварење од носот. Може да забележите и дека носот ви е почесто затнат од вообичаено, што е резултат на зголемениот проток на крв низ слузната мембрана.
Дали крварењето од нос може да се спречи?
По ова прашање не може многу да направите. Сепак, избегнувајте сув воздух, оти тогаш чувствителноста е поголема. Истовремено, нежно дувајте и празнете го носот.
Како да го стопирате крварењето?
Кога ќе почне да тече крв, спуштете ја главата или стоечки притиснете ги ноздрите. Не ја држете главата наназад, оти тоа ќе го влоши крварењето. Ако носот ви е затнат, зголемете го внесот на течности. Внимавајте при купувањето на спреј за нос, оти не сите се погодни за бремени жени.
