Со „Фајзер“ кој официјално побара одобрение за итна употреба од Агенцијата за храна и лекови на САД, започна процесот за авторизација на вакцината против Ковид-19 наменета за деца на возраст од 5 до 11 години.
Во моментов, вакцината „Фајзер“ е овластена само за итна употреба кај деца на возраст од 12 до 15 години. Во август доби целосно одобрување од ФДА за оние на возраст од 16 години па нагоре. Се очекува ФДА да даде одобрение за итна употреба за помалите деца во следните неколку недели.
Но, дали треба да го вакцинирате вашето дете? И кои се потенцијалните несакани ефекти? Еве што треба да знаете.
КОЛКУ Е ЕФИКАСНА ВАКЦИНАТА ПРОТИВ КОВИД-19 КАЈ ДЕЦА ОД 5 ДО 11 ГОДИНИ?
Во испитувањето на „Фајзер“ за млади деца, учествувале 2.268 деца на возраст од 5 до 11 години. Од нив, две третини добиле две дози од вакцината, како и возрасните, со разлика од три недели. Другата третина добила плацебо.
Испитувањето покажало дека вакцината „покажала поволен безбедносен профил и предизвикала силни неутрализирачки реакции на антителата“.
Вакцината „Фајзер“ користи mRNA, метод за инструкции на имунолошките клетки како да произведат антитела против SARS-CoV-2, вирусот што предизвикува Ковид-19. Од компанијата изјавија дека одговорот на антителата е споредлив со оној што е забележан кај возрасните.
Студија од Н.Ц. Одделот за здравство и човечки услуги кон крајот на август покажа дека оние кои не се вакцинирани имаат четири пати поголема веројатност да се разболат од Ковид-19 и 15 пати поголеми шанси да умрат од оваа болест.
КОГА ЌЕ БИДЕ АВТОРИЗИРАНА?
ФДА закажа состанок на 26 октомври за да се разгледа итно одобрување за администрирање на вакцината „Фајзер“ кај деца на возраст од 5 до 11 години. Одлуката се очекува до крајот на месецот, објави „Њујорк тајмс“, а Американскиот центар за контрола и превенција на болести би можел да ја препорача вакцината за таа возрасна група на почетокот на ноември.
КОИ СЕ НЕСАКАНИТЕ ЕФЕКТИ КАЈ МЛАДИТЕ ДЕЦА?
Најзначајниот ризик од несакани ефекти кај која било возрасна група по вакцинацијата е миокардитис, состојба во која реакцијата на имунолошкиот систем предизвикува воспаление на срцевиот мускул, предизвикувајќи болка во градите, отежнато дишење и чувство на лупање на срцето. Но, студија од „New England Journal of Medicine“ покажа дека миокардитисот после вакцинацијата се уште е исклучително редок – еден до пет случаи на 100.000 вакцинирани луѓе.
ЦДЦ вели дека миокардитисот после вакцинација е почест по втората доза на која било mRNA вакцина и почесто се јавува кај млади мажи, иако е се уште исклучително редок. „Тоа е толку ретко што многу, многу малку лекари го виделе ова или слушнале за него“, рече д-р Дејвид Вол, специјалист за заразни болести на Универзитетот во Северна Каролина во Чапел Хил.
Испитувањето покажало дека вакцината „покажала поволен безбедносен профил и предизвикала силни неутрализирачки реакции на антителата“
Студија од „New England Journal of Medicine“ покажа дека 19 од 21 случаи на миокардитис од вакцинација биле мажи. Просечната возраст била 25. Но, миокардитисот од инфекција со Ковид-19 е до 11 пати почест кај оние кои не се вакцинирани, покажала студијата.
Не е пронајдена каузална врска, според ЦДЦ, помеѓу mRNA вакцините, Фајзер и Модерна, и смртните случаи. Каузалната врска помеѓу вакцината „Џонсон и Џонсон“ и смртните случаи предизвикани од згрутчување на крвта се смета за веродостојна, иако е исклучително ретка.
„Мораме сето ова да го ставиме во контекст. Ако се фокусираме премногу на многу, многу ретки настани, тоа ги ублажува значителните придобивки од овие вакцини, и мислам дека постои агенда. Од една страна, имаме рамнотежа. Сакаме луѓето да знаат за несаканите ефекти. Сакаме луѓето да бидат информирани. Не сакаме да ставаме ништо под тепихот. Јасно е дека луѓето треба да си ги завршат домашните задачи. Треба да знаат за тоа“, рече д-р Вол. „Но, ризиците за кои зборуваме се толку мали“.
Други потенцијални несакани ефекти на вакцината вклучуваат тешки алергиски реакции како што е анафилакса. Понатаму, како реакции се спомнуваат осип, чешање или оток на лицето. Но, овие несакани ефекти кои се лекуваат обично се јавуваат во рок од 15 минути по вакцинацијата.
Други несакани ефекти што биле пријавени се болка на местото на инјектирање на вакцината, замор, главоболка, болки во мускулите и зглобовите, грозница и треска.
ЦДЦ продолжува да ја препорачува вакцината против Ковид-19 за сите на возраст од 12 години и постари. „Со половина од човештвото сега вакцинирано, знаеме многу за нивната безбедност“, вели д-р Вол. „Има навистина многу ограничена причина да не го вакцинирате детето во оваа возрасна група. Секако, ако имало историја на несакани реакции од некој вид на други вакцини, на компоненти што се делат помеѓу овие вакцини и друга вакцина. Тоа се исклучително, исклучително ретки. Но, не можам да се сетам на поширока група луѓе кои се во оваа возрасна група, а кои не треба да се вакцинираат“.
ДАЛИ ОВА Е ИСТАТА ВАКЦИНА КОЈА ИМ СЕ ДАВА НА ВОЗРАСНИТЕ?
Вакцината што ќе се дава на децата на возраст од 5 до 11 години ќе биде една третина од дозата дадена на оние на возраст од 12 години и повеќе. Ова може да бара повеќе или помалку разредување со секоја вакцина, или може да се користи друго шишенце или шприц, објави „Њујорк тајмс“. На малите деца ќе им бидат дадени две дози, во интервал од три недели. (The News&Observer)
