Коронавирусот се шири кога заразеното лице искашлува мали капки – преполни со вирусот – во воздух. Овие капки можат да предизвикаат инфекција ако се вдишат, или потенцијално ако допрете површината на којашто „слетале“.
-
Затоа, одењето во шопинг и мешањето со други луѓе носи ризик. Тоа е причината зошто социјалното дистанцирање или држење растојание од најмалку 2 метри од другите – е толку важно, а многу продавници и го практикуваат.
„Супермаркетите можат да обезбедат „идеална средина“ за трансфер на вирусот“, вели професорот Сали Блумфилд, од „London School of Hygiene and Tropical Medicine“. „Многу луѓе ги допираат и преместуваат предметите, подвижните ленти на каса, кредитните картички, копчињата на машините за издавање билети за паркирање, копчињата на банкомат, сметките и слично… Да не спомнувам дека се наоѓаат во близина на неколку други луѓе“.
Постојат начини да се неутрализираат овие ризици:
-
Измијте ги рацете 20 секунди со сапун и вода, или со дезинфициент за раце на база на алкохол, пред и по купувањето;
-
Однесувајте се кон површините во супермаркетот како да се загадени, што значи дека треба да избегнувате допирање на лицето откако сте туркале количка за шопинг, сте носеле корпа, пакувања…;
- Користете бесконтактни начини на плаќање.
