Може ли кучињата да го намирисаат Covid-19: Британија почнува со нивна обука

„Сигурни сме дека кучињата би можеле да го детектираат Ковид-19. Сега разгледуваме како можеме безбедно да го „фатиме“ мирисот на вирусот од пациентите и да им го презентираме на кучињата“, вели д-р Клер Гест, извршна директорка и коосновач на „Medical Detection Dogs“

Кучињата се еден од најголемите светски биосензори, способни да детектираат мириси поврзани со дрога, експлозиви и храна, а сега се користат и во служба на јавното здравје

Во Британија е во тек кампања за прибирање средства за обука на кучиња, кои би требало да го научат мирисот на „Ковид-19“ и да одиграат клучна улога во запирањето на ширењето на болеста.

Експертите од „Medical Detection Dogs“, кои веќе имаат пионерска работа во истражување на рак и детекција на дијабетес, веруваат дека кучињата можат да го намирисаат коронавирусот и би можеле да помогнат во скрининг на луѓето, така што ограничените тестови на NHS би се користеле само онаму каде што е потребно.

Експертите веруваат дека „Ковид-19“ може да го смени мирисот на телото на начин кој кучињата ќе можат да го детектираат

Во моментот е потребно да се соберат финансиски средства во износ од 1.000.000 фунти за да продолжи обуката на кучињата. Работејќи со Лондонската школа за хигиена и тропска медицина и универзитетот „Durham“, од „Medical Detection Dogs“ веруваат дека „најдобриот пријател на човекот“ може да го научи мирисот на коронавирус во рок од шест недели за да обезбеди брза, неинвазивна дијагноза.

Од Организацијата изјавуваат: „Кучињата се еден од најголемите светски биосензори, способни да детектираат мириси поврзани со дрога, експлозиви и храна, а сега се користат и во служба на јавното здравје.

Целта е кучињата да можат да ги „скенираат“ сите, вклучително и оние кои се асимптоматски

Со оглед на неодамнешната пандемија на КОВИД-19, постои шанса да ги користиме кучиња како брз дијагностички скрининг за откривање на заразени лица што може да биде револуционерно во борбата против Ковид-19 и сузбивање на пандемијата.“

Како и карциномот и Паркинсоновата болест, тимот на истражувачи и научници откриле дека кучињата можат да откријат присуство и на маларија во човечкиот мирис „со висок степен на точност“, дури и кај луѓе кои немаат никакви симптоми, објаснуваат од „Medical Detection Dogs“.

Д-р Клер Гест, извршна директорка и коосновач на „Medical Detection Dogs“

Д-р Клер Гест, извршна директорка и коосновач на „Medical Detection Dogs“, изјави: „Во принцип, сигурни сме дека кучињата би можеле да го детектираат Ковид-19. Сега разгледуваме како можеме безбедно да го „фатиме“ мирисот на вирусот од пациентите и да им го презентираме на кучињата.

Целта е кучињата да можат да ги „скенираат“ сите, вклучително и оние кои се асимптоматски и да ни кажат дали треба да бидат тестирани. Ова ќе биде брзо, ефективно и неинвазивно и доказ дека ограничените ресурси за тестирање на NHS ќе се користат само онаму каде што се навистина потребни“, објаснила д-р Гест.

Извор: metro.co.uk