Психологот Ејми Морин истакнува дека одредени работи треба да се избегнуваат кога детето има тантрум, бидејќи тие можат само дополнително да го влошат. Една од најлошите работи што родителите можат да ја направат кога детето има излив на бес е да се попушти на барањата на детето. На пример, ако детето сака нешто и не може да го добие поради некоја причина, голема е веројатноста дека ќе реагира со излив на бес.
Но, ако родителот по некое време сепак попушти, тоа може да направи само поголема штета, вели Морин, истакнувајќи дека секој пат кога попуштаме само за да помине тантрумот, всушност го учиме детето дека тие се одличен начин да добие се што сака.
Тоа ќе резултира да детето во иднина научи да има поголеми, подолги и погласни тантруми. Дури и ако само повремено „попуштиме“ на нападите на бес, психологот тврди дека детето ќе научи дека таквото однесување е најдобриот начин да го добие она што го сака.
