“Многу е мал бројот на позитивни случаи на SARS-CoV-2 кај бебиња родени од мајки заразени со коронавирус“, стои во заклучокот на научниот труд објавен во British Journal of Medicine (BJM).
Студијата е важна бидејќи се работи за еден од првите толку опсежни трудови што го поставува прашањето за преносот на коронавирусот за време на бременоста. Се работи за мета-анализа во која податоците се собрани од неколку стотици веќе постоечки истражувања, што овозможува донесување на цврсти заклучоци.
Според нив, невозможно е трудница да пренесе болест на нејзиното дете, односно се работи за многу редок феномен. Кога мајката е позитивна на коронавирус, околу 2% се позитивни во период од неколку дена по раѓањето.
Но, оваа бројка крие можни варијации во зависност од околностите. Се чини дека бебињата се заразуваат многу почесто кога мајката имала потешка форма на болеста КОВИД-19, особено во случај на хоспитализација. Затоа, научниците го поддржуваат систематското тестирање на новороденчињата кога нивните мајки имале потешка форма на болеста, но истовремено повикуваат да се избегнуваат посебни мерки кога станува збор само за позитивен резултат на тестирање за коронавирус.
Посебно е несоодветно “одвојувањето на мајката и детето веднаш по раѓањето“, сметаат стручњаците.
Студијата покажала и дека не постои ризик од пренесување на вирусот преку доење, што ги навело авторите да препорачаат избегнување на систематска употреба на вештачка храна за новороденчиња.
“Генерално гледано, заклучоците од оваа студија се охрабрувачки“, вели научничката Кетрин Меклин Пиркл, која не била вклучена во истражувањето, но нејзиното мислење е објавено во воведниот дел British Journal od Medicine.
Таа сепак нагласува дека податоците користени во студијата, иако се бројни, не се со ист квалитет. Посебно нагласува дека не може да се заклучоци колку за детето се опасни тие ретки случаи на КОВИД-19 кои се јавуваат кај новороденчињата.
