Децата често доаѓаат во судир едни со други околу различни нешта. Некогаш се причина играчките, некогаш превземањето на другари, судир на мислења… Тие конфликти се многу бурни, но краткотрајни, оти кај децата емоциите се засилени. Родителите на нив гледаат субјективно и ги доживуваат како атак на нивното дете. Зашитнички настроени, прават голема грешка мешајќи се во самата расправија. Често го навредуваат другото дете, му се обраќаат со повисок тон и така, свесно или не, го повредуваат, бранејќи го сопственото дете.
Како вашето дете би се чувствувало ако постаро лице така се однесува кон него?
Она што вие можете да го направите како родител е да не се мешате во нивните расправии и да го научите детето како да се брани себе си на побезболен начин. Многу е важно кај детето да не се развие агресија, однесувањето да не биде некултурно и невоспитано, туку на пристоен начин, вербално да се одбрани.
Родителите имаат задача да ги научат своите деца што е компромис и дека никој не треба да биде загрозен и омаловажуван. Затоа, развијте кај децата толеранција и свест дека не е секогаш во право, да знае тоа да си го признае и на себе и на другите, да ги разбере постапките на другите и дека со зборови може да се решат сите несогласувања.
