Повеќе од 63 милиони луѓе се вакцинирани против коронавирус, и ова е точно еден од чекорите што треба да се преземат за да се стави крај на пандемијата која трае повеќе од една година. Како што пренесува „Prevention“, во САД неодамна беше срушен рекорд кога во еден ден беа дадени повеќе од четири милиони дози вакцини.
Новите податоци кажуваат најмалку шест месеци, но лекарите се оптимисти и веруваат дека оваа граница дополнително ќе се зголеми
Клиничките испитувања покажаа дека одобрените вакцини за коронавирус се безбедни и многу ефикасни во спречување на тешки инфекции со Ковид-19. Но, сè уште постои едно прашање на кое истражувачите немаат точен одговор: Колку трае всушност заштитата од вакцините, односно дали ќе бидат потребни дополнителни дози за одбрана од разни мутации на вирусот?
Во моментов не е целосно јасно што ќе се случи кога ќе исчезне заштитата од вакцинацијата против Ковид-19, но д-р Шафнер вели дека тоа нема да биде како прекинувач за вклучување и исклучување. Ако заштитата од вакцината се истроши, тоа ќе се случува полека. Бидејќи имунолошкиот систем на секоја личност се разликува, тоа може да се случи со различно темпо за секоја индивидуа
Податоците се менуваат од ден на ден, има сè повеќе информации и ова е она што експертите можат да го потврдат засега:
Фајзер на 1 април објави дека нивната вакцина нуди до шест месеци силна заштита од Ковид-19. Поточно, податоците од испитувањето во фаза три покажаа дека вакцината е 91,3% ефикасна во спречување на Ковид-19 до шест месеци по втората доза и 100% ефикасна против тешка форма на болеста.
Вакцината на Модерна засега нуди слична заштита, се вели во писмото објавено во „The New England Journal of Medicine“ на 6 април. Истражувачите откриле дека „активноста на антителата останува висока“ шест месеци по втората доза во сите возрасни групи.
Што се однесува до вакцината на Џонсон и Џонсон, во моментов има помалку податоци поврзани со неа. Оваа вакцина која се дава во една доза користи различен начин на дејствување, таа е вакцина заснована на аденовирус, како вакцината против грип, но исто така би требало да понуди слична заштита.
Д-р Ричард Воткинс, специјалист за инфективни болести и професор по интерна медицина на Медицинскиот универзитет во Охајо, вели дека Фајзер и Модерна имаат слични резултати затоа што користат mRNA технологија и предизвикуваат имунолошки одговор на ист начин.
Ова го потврди и Вилијам Шафнер, специјалист за инфективни болести и професор на Медицинскиот факултет на Универзитетот Вандербилт, кој истакна дека шестмесечната временска рамка не значи точно „само шест месеци“. Како што пренесува „Prevention“, веројатно вакцините на Фајзер и Модерна, како и други слични на нив ќе обезбедат имунитет подолго од тоа.
Што ќе се случи кога ќе исчезне заштитата од вакцината против Ковид-19?
Во моментов не е целосно јасно што ќе се случи кога ќе исчезне заштитата од вакцинацијата против Ковид-19, но д-р Шафнер вели дека тоа нема да биде како прекинувач за вклучување и исклучување. Ако заштитата од вакцината се истроши, тоа ќе се случува полека. Бидејќи имунолошкиот систем на секоја личност се разликува, тоа може да се случи со различно темпо за секоја индивидуа. Добрата вест е дека лекарите веруваат дека ако вакцинираните луѓе на крајот се заразат со Ковид-19, нивните симптоми сигурно ќе бидат помалку изразени.
Мала студија објавена во јануари покажала дека 95% од луѓето кои прележале Ковид-19 сè уште имаат антитела на вирусот и до осум месеци откако биле заразени, а експертите предвидуваат дека заштитата од вакцината ќе трае подолго од природниот имунитет.
Дали ќе бидат потребни дополнителни дози на вакцина против Ковид-19?
Во моментов, и Фајзер и Модерна проучуваат дали помошна доза на вакцината може да биде корисна за одржување на заштитата од Ковид-19 по првичната вакцинација, особено кога станува збор за новонастанатите варијанти на вирусот.
„Премногу е рано да се утврди дали можеби ќе бидат потребни дополнителни дози“, вели експертот за заразни болести Амеш Адаља, научник од Центарот за здравствена безбедност на Џон Хопкинс.
„Овие вакцини што ги користиме се неверојатни, но не се совршени“, заклучува д-р Шафнер. Иако се неверојатно ефикасни во спречување на сериозни болести, сепак, се уште постои мала можност по вакцинирањето да се појави полесна инфекција со Ковид-19.
