Луѓето дефинитивно треба да носат барем една маска, но двојното „маскирање“ ја подобрува заштитата, изјави д-р Ентони Фаучи, директор на Националниот институт за алергија и заразни болести на САД, во интервју за Ен-Би-Си.
CDC во средата објави нови податоци кои покажаа дека носењето платнена маска врз медицинска маска може да блокира 92,5% од потенцијалните инфективни честички.
CDC во средата објави нови податоци кои покажаа дека носењето платнена маска врз медицинска маска може да блокира 92,5% од потенцијалните инфективни честички
„Барем минимално, носете една маска“, рече Фаучи. „Ова е она што CDC го кажува, осигурете се дека секогаш носите маска. А кога носите маска, тогаш сакате подобро да е прицврстена до лицето. Значи, еден од начините на кој можете да го сторите тоа, ако сакате, е да ставите уште една платнена маска врз неа“.
Тој демонстрираше како функционира тоа, ставајќи две маски на себе и покажувајќи ги местата каде што двете маски помагаат подобро да се спречи пропуштањето, и рече дека и самиот, од време на време, двојно се „маскира“.
„Најмалку една маска, но ако навистина сакате да бидете сигурни, засилете ја со втора маска“, рече Фаучи, а пренесува Си-Ен-Ен.
