Потребно:
- 125 гр ладен путер
- 100 гр шеќер во прав
- Прстофат сол
- 200 гр брашно
- 50 гр какао
- 2 жолчки
- 2 лажици млеко
За кремот:
- 200 гр путер
- 400 гр темно чоколадо
- 1 шака листови од нане
- 50 гр печени лешници
- Сол на врвот од ножот
Подготовка: Измешајте путер, шеќер и сол, потоа додадете брашно, какао и жолчка. Додадете ладно млеко, замесете мазно тесто и формирајте топка. Завиткајте го тестото во проѕирна фолија и ставете го во фрижидер да отстои еден час. Развлечете го тестото според големината на калапот и вратете го во фрижидер еден час. После тоа, печете го 15 минути на 180 степени и извадете го од рерна. Растопете го чоколадото со путер, потоа одделете неколку лажици и измешајте со сечканото свежо нане и грубо мелени печени лешници. Прелијте го чоколадото врз изладената кора и ставете ја смесата од нане и лешници во центарот. Темелно изладете го колачот пред сервирање. Добар апетит!
