Медицинска сестра Ники Јуркуц која им дава совети на родителите преку страницата на Инстаграм – Tiny Hearts Education, ги повика родителите да не им купуваат на своите деца ситни, полнети чоколадни јајца ако сакаат да избегнат инцидент со гушење оваа година. Имено, таа тврди дека токму оваа бонбонче е многу опасно.
„Мини чоколадните јајца се тврди и округли, што се два големи ризик фактори за задушување“, вели Јуркуц во видеото.
„Тие се исто така со таква големина и форма да ги блокираат дишните патишта на детето“, додаде таа.
- Јуркуц советува наместо нив да купувате шупливи чоколадни јајца, кои полесно се распаѓаат и затоа се побезбедни за јадење.
„Ве молиме споделете го ова со другите родители за да ги заштитите вашите малечки овој Велигден“, порача таа.
Децата помлади од четири години се изложени на поголем ризик од задушување. Дури на четиригодишна возраст можат во потполност правилно да ја соџвакаат храната. Покрај храната, родителите и старателите треба да обрнат внимание и на ситните играчки и вообичаени предмети во домаќинството што децата би можеле да ги стават во уста, да ги голтнат или со нив да се задушат.
