Одвикнувањето од носење пелени е предизвик, но и голема пресвртница и за детето и за родителите. Сигурно многупати сте слушнале добронамерни совети од типот на оние дека во лето е подобро да се одвикне детето од пелени отколку во зима или дека постои оптимална возраст кога детето е подготвено да тој чекор.
Меѓутоа, многу совети и информации всушност не се точни. Кирсти Кетли, мајка на две деца и советник за родителство, открива пет најчести митови за одвикнувањето од пелени кои родителите треба да ги игнорираат.
1 МИТ: Постои оптимална возраст кога детето ќе биде подготвено за тој чекор
Можеби некаде сте прочитале дека детето мора да има точно две години и три месеци во моментот кога ќе стане спремно за вадење на пелените. Не, вашето дете ќе биде подготвено кога ќе биде подготвено. Вообичаено тоа е помеѓу 2. и 3. година, но може да се случи и порано или подоцна.
Покрај тоа што детето треба да биде физички подготвено за овој важен чекор, мора да биде и емоционално подготвено, за што обично е потребно повеќе време. Знаците дека детето е подготвено да научи да да извршува нужда во тоалет се сува пелена подолго време, може да изрази желба самостојно да користи тоалет или нокшир, самоуверено е и независно во други работи.
2 МИТ: Момчињата потешко се учат од девојчињата
Ова е изјава што често може да се слупне, но полот навистина не прави никаква разлика. “Не е точно дека девојчињата полесно се одвикнуваат од пелени од момчињата“, порачува Кетли.
3 МИТ: Подобро е да се одвикнува детето во лето, отколку во зима
Ако детето е подготвено, не е важно дали е лето или зима. Родителите мора да се обезбедат со резерви на долна облека и крпи за да го избришат подот во случај нуждата да се случи на незгодно место. Од тие причини се смета дека летниот период е време кога детето најлесно се одвикнува од пелени.
4 МИТ: Ноќната пелена мора да биде сува
На деца до осумгодишна возраст може да им се случи да измократ во кревет, така што сувата пелена не мора да биде предуслов за одвикнувањето. Ограничувањето на внесот на течности еден час пред спиење може да помогне. Некои деца имаат сува пелена цела ноќ, па ја користат веднаш штом ќе се разбудат. Ако вашето дете има над осум години и се уште мокри во кревет, посетете лекар и побарајте помош и совет.
5 МИТ: Децата треба да користат толает, а не нокшир
Некои деца, особено оние со постари браќа и сестри, претпочитаат да користат тоалет од самиот почеток. Ова не треба да ве обесхрабрува, но исто така е во ред децата да користат нокшир додека не воспостават рамнотежа. Ако вашето дете претпочита да седи на нокшир, тоа е сосема во ред. Сепак, Кетли препорачува нокширот да се чува во бањата, наместо да се учи детето дека е добро да се врши нужда во секоја просторија во куќата.
