малите сакаат да пливаат, било во море или во базени, а родителите ни за секунда не треба да ги губат од вид своите деца во такви моменти. Д-р Меган Мартин, мајка на четири деца и педијатар во Одделот за итни случаи, предупредува на што треба да внимаваат родителите.
„Најважно е цело време да се надгледуваат децата во близина на вода. Исто така, важно е да има и физички бариери кои ќе ги заштитат малите деца од влегување во вода, како што се огради околу базенот“, рече таа.
Што се однесува до гумите или прстените за врат како и сунѓерите за пливање, д-р Мартин вели дека никогаш не би ги препорачала никому.
„Сакаме на децата да им биде лицето над вода, но таквите додатоци може да доведат до лажно чувство на сигурност. Ако ви заѕвони телефонот, ќе мислите дека детето е безбедно бидејќи лебди во водата. Меѓутоа, ако детето се преврти и не знае да плива, неговото лице ќе потоне под вода, што може да биде фатално“, додаде таа.
Таа вели дека се опасни сите додатоци за пливање, кои се ставаат околу вратот, бидејќи го зголемуваат ризикот од задушување.
Најважно е цело време да се надгледуваат децата во близина на вода. Исто така, важно е да има и физички бариери кои ќе ги заштитат малите деца од влегување во вода, како што се огради околу базенот
„Не би го губела детето од вид детето дури ни ако има мускули за пливање. Кога ќе ги извади може да заборави и да скокне во водата бидејќи има лажно чувство на самодоверба. Во таква ситуација детето ќе потоне бидејќи не знае да плива“, вели педијатарот.
Синот на докторката Мартин еднаш ги извадил мускулите за пливање и скокнал во водата, но не знаел да плива. „Го извлековме брзо, но беше страшно“, се сеќава таа.
