Германските научници од Гете институтот тврдат дека ја откриле причината за појавата на ретки, но сериозни крвни згрутчувања по вакцинацијата против Ковид-19. Имено, вакцините кои користат аденовирусни вектори испраќаат таканаречен шилест протеин во клеточното јадро. Таму, некои од упатствата за создавање коронавирусни протеини може погрешно да се поврзат и да предизвикаат тромб.
Од Џонсон и Џонсон изјавиле дека го поддржуваат истражувањето, соработуваат со светски експерти и се радуваат на размената на податоци. АстраЗенека одбила да го коментира германското истражување
Спротивно на тоа, вакцините на Модерна и Фајзер користат поинаква технологија позната како „гласник РНК“ која го доставува генетскиот материјал на шилестиот протеин само во клеточната течност, а не во самото клеточно јадро. Хрватскиот научник Иван Џикиќ објаснува дека поради тоа наскоро можеме да добиеме побезбедни вакцини.
„Она што ни го покажа ова откритие е дека сега кај вакцината на АстраЗенека, иако тоа се случува многу ретко, а ист случај е и со Џонсон и Џонсон, може и тој мал дел да се поправи со создавање на ген во кој се менуваат тие места за спојување и кога би ги отстраниле тие места за спојување. Колегите од Џонсон и Џонсон веќе стапија во контакт со колегата Маршалек и верувам дека тоа е добра идеја. Потребно е добро да се провери, да се подобри и ако се потврди дека ова е навистина една од главните причини, тогаш овие нови вакцини ќе се направат многу брзо затоа што се работи за многу мала модификација“, изјави Џикиќ за хрватска „РТЛ“.
Од Џонсон и Џонсон изјавија дека го поддржуваат истражувањето, соработуваат со светски експерти и се радуваат на размената на податоци. АстраЗенека одби да го коментира германското истражување.
