Во Хрватска, со секвенционирање е потврдено и присуството на чешкиот сој на коронавирус, откако претходно беа потврдени британскиот, њујоршкиот и јужноафриканскиот сој, објавува вечерва „Вечерњи лист“.
Оваа варијанта на коронавирусот е детектирана порано во Чешка и во Словачка и сè уште се истражува. Не е толку ретка, како на пример, јужноафриканската, а инаку е распространета отприлика колку и британската или нешто повеќе.
Британската, јужноафриканската и бразилската варијанта на коронавирусот се означени како варијанти кои загрижуваат, додека сите други варијанти како што се нигериската, калифорниската, њујоршката и некои други, се варијанти кои сè уште се истражуваат, велат микробиолозите.
