Предмети кои децата најчесто ги голтаат

И покрај напорите различни предмети да се направат безбедни за децата, ваквите опасни ситуации се чести. Истражувањата покажуваат дека родителите се почесто бараат лекарска помош токму поради голтање играчки, батерии и многу други ситни предмети.

На листата на предмети кои ги голтаат децата се наоѓа сешто – од обетки, па се до новогодишни украси, а бројот на такви случаеви во последните две децении е драстично зголемен.

Истражување кое недоамна го објави покажало дека децата најчесто голтаат монети, поради што во повеќето случаи се задржуваат на болничко лекување. Но, интересно е дека во периодот на истражувањето забележано е дури 150 пати повеќе инциденти кои вклучувале голтање батерии, а токму тие може да предизвикаат сериозни оштетувања кога ќе се голтнат.

За период од 20 години, колку што траело истражувањето во САД, обрнувајќи внимание на случаеви во кои деца помали од шест години биле лекувани во итните медицински служби, поради “ингестија на страно тело“ – медицински термин за голтање различни предмети, забележани се дури 759.000 такви слуачи.

Во просек, поради голтање страни тела, секојдневно 99 деца доаѓаат на ургентно’, вели авторот на студијата педијатарот, д-р Даниел Орсаг-Јентис.  

ШТО НАЈЧЕСТО ГОЛТААТ ДЕЦАТА?

На прво место се наоѓаат монетите, а следат ситни играчки, накит, батерии и магнети. Секако, на листата има и завртки и многу други неочекувани предмети.

 Истражувачите посебно ја нагласуваат опасноста од мали батерии во кружна форма кои се користат за часовници,и други електорнски уреди. Тие може да предизвикаат сериозни исгореници на ткивото, па дури и смрт ако се заглават во грлото, а бројот на деца кои биле повредени или починале како последица на голтање батерии, се зголемил за четири пати во периодот од 2006 до 2010 година.