ПРОБЛЕМИ СО СПИЕЊЕТО: Стручњаците одговараат на прашања за ноќните стравови, кошмарите и честите будења на децата

Ако вашето дете навечер често се буди, плаче и ја менува рутината на спиење, не сте единствени.

Некои од најчестите пребарувани прашања за децата, се однесуваат на проблемите со спиењето. Експерите за детско спиење, Маријане Сајерс и Стеф Гоуин, одговараат на интересни прашања за спиењето на децата што ги мачат многу родители.

  • Чести ноќни будења

Едно шестмесечно момче секогаш си легнувало околу седум часот навечер, се будело во три часот по полноќ и повторно спиело до седум наутро, но во последно време почнало да се буди три до четири пари во ноќта, за да јаде, а понекогаш и поради преполна пелена. Неговата мајка ја интересирало кога спиењето повторно може да се нормализира.

Маријане тврди дека будењето еднаш навечер на таа возраст е сосема во ред, но три до четири пати може да загрижува. Таа и предложила на мајката да го провери просторот каде спие детето. Можеби му треба дополнителна прекривка или треба да ја регулира собната температура. Таа, исто така, ја советувала да купи поголем број пелени за ноќно спиење за подобро да ја апсорбира течноста.

  • Одвикнување од ноќно хранење

Една мајка ја интересирало кој е најлесниот начин да го одвикне осумнаесетмесечното дете од ноќно шишенце. Маријане ја советувала да во тој случај е најдобро само нагло да прекине да му нуди шише на детето. Ќе биде нелагодно на почетокот, но тоа е единствениот начин да се прекине циклусот на ноќно хранење.

Сличен совет дала и на мајка чија двегодишна ќерка одеднаш сака мама да ја држи за рака пред спиење. Девојчето вреска и се фрла ако не ја добие нејзината рака, но и тој циклус треба само нагло да се прекине. Ние сме тие кои почнуваме новатрутина , а детето не следи, вели Маријане.

  • Ноќни стравови кај децата

Мајка чие девојче се буди навечер и вреска цел час е загрижена дали нејзиното дете има кошмари или е во прашање нешто посериозно. Експертите коментираат дека ноќните стравови најчесто се случуваат околу третата и четвртата година, но дека е добро да се разговара за тоа со педијатар, за да се исклучи нешто сериозно. Тие велат и дека преморот кај малите деца е чест предизвикувач за ноќни стравови, така што детето треба да се стави во кревет порано или да се понуди дополнително спиење во текот на денот.

Мајката на 10-неделно бебе се бори со сонот на своето бебе, па прашала кога е најдоброто време да се воспостави рутина за спиење. Експертите и одговориле дека рутината се воспоставува од првиот ден и не треба да биде особено строга. Важно е да му бидат исполнети сите основни потреби на бебето, топлина, храна и атмосфера во која спие.