Истражување кое е спроведено во Велика Британија покажува дека еден од седум хетеросексуални парови има проблеми со добивањето дете. Во таквите ситуации, фокусот на лекување најчесто е репродуктивното здравје на жената, но ризикот од стерилитет најчесто е изедначен кај двата пола. Преостаната третина од вкупните причини, до денес не е доволно истражена.
Стручњаците тврдат дека момчињата родени со 10 проценти пониска родилна тежина од просечната, припаѓаат во ризична група.
“Сознанијата до кои дојдовме укажуваат дека мораме да ги истражиме факторите кои се јавуваат уште во најраната возраст, за да може да ги објасниме проблемите со плодноста кои се случуваат во зрелата возраст“, наведува коавторот на истражувањето Ен Торстед.
Податоците за тежината на бебињата биле земени од матичните книги, а потоа биле поврзани со навиките и бројот на потомство на истите лица. Анализирани биле и ризик факторите кои се однесуваат на индексот на телесна маса на трудницата, одвоениот живот од партнерот, возраста во која е забременета жената, и пушењето во текот на бременоста. Токму оваа лоша навика може да биде причина за раѓање на бебе кое има тежина под просекот.
На крајот е утврдено дека овие ризик фактори се причина за неплодност кај дури 55% од случаевите.
