Промените во пубертетот почнуваат кога мозокот предизвикува производство на полови хормони. Потоа следат физички промени, но секое дете се развива со сопствено темпо. Пубертетот обично почнува прво кај девојчињата па потоа кај момчињата. За повеќето девојчиња, пубертетот почнува околу 11. година, додека кај момчиња, почнува од 10. до 14. година.
Растот на дојките обично е првиот знак за почетокот на пубертетот кај девојчињата, и прво се формираат мали грутки зад брадавиците. Овој процес може да биде болен, но болката исчезнува штом градите ќе израснат. Родителите не треба да ги загрижи појавата да едната дојка порасне со поголема брзина од другата. Отокот во градите може да се појави и кај момчињата, но тоа има тенденција да исчезне во рок од една година или две.
Прв знак на пубертет кај момчињата е зголемување на големината на тестисите. По градите и тестисите почнуваат да растат и влакната на телото. Ќе почне појава на влакна под пазувите, површината околу гениталиите, како и во пределот на брадата кај мажите.
Акните се исто така неизбежен дел од пубертетот. Нивната појава ја предизвикува високото ниво на хормони за време на пубертетот. Масните жлезди во овој период се поактивни и децата повеќе се потат. Честата хигиена на телото и лицето ќе помогне во намалување на појавата на акни. Доколку вашето дете има проблем со акните, побарајте совет од дерматолог.
Промени има и во растот и телесната тежина, како кај момчињата така и кај девојчињата.
Менструалниот циклус е знак дека девојчето е и физички возрасно и е во состојба да се забремени. Доколку вашата ќерка нема менструален циклус може да поразговарате со вашиот гинеколог. Обично девојчињата добиваат циклус од 10 до 16 година. Кон крајот на пубертетот вашиот син ќе има промени во гласот. Ќе добие подлабок глас, гласните жици ќе се задебелат и неговиот грклан ќе се зголеми.
Следете ги телесните промени на вашето дете и побарајте помош од доктор во случај ако:
- Знаците на пубертет се јавуваат кај девојчињата пред 8. година од животот или кај момчињата пред 9. година.
- Не се јавуваат симптоми на пубертет и покрај тоа што детето има 13 или 14 години.
