Дали вашето дете ќе почне да пуши, зависи од низа причини, а вие сами нема да можете да спречите да пробаат цигара. Но, според психолозите, некои од стратегиите може да ја намалат веројатно детето да сака да пуши.
Зошто некои деца пушат?
Некои од причните зошто вашето дете воопшто би пробало цигара се:
- Желбата да биде прифатено во група на врсници
- Имитирање на родителите или постари членови од семејството кои пушат
- Желба да ја нагласат сопствената самостојност
- Желбата на другите да им покажат дека се возрасни
- Љубопитност
- Обид за имитирање на познати глумци и модели
За детето да не посегне по цигари, многу е важно сами да бидете добар пример – да не пушите, а ако сте пушач, да вложите труд да се откажате. Истражувањата покажуваат и дека помала е веројатноста дека детето ќе пуши, ако родителите не пушат.
Ако не можете да престанете да пушите, обидете се да се држите до следниве упатства:
- Не пушете во домот
- Не ги праќајте децата да ви купат вам или на било кого цигари
- Поттикнете телесна активност кај сите членови во семејството
- Не дозволувајте детето да пали цигара вам, или на некој друг.
