РЕЦЕПТ НА ДЕНОТ: Брокула на летен начин

Интересен начин за подготовка на брокула кој ќе ги натера и децата да уживаат во оваа здрава намирица. Во овие летни денови, вака подготвената брокула е брзо и лесно јадење, кое може да го консумирате одделно или во комбинација со омиленото парче месо.

Потребно:

  • 300гр брокула
  • 100гр рендан кашкавал

За бешамелот:

  • 2 лажици масло за јадење или путер
  • 1 лажица брашно
  • 2дл млако млеко
  • Сол

 Подготовка: За да го подготвите бешамел сосот, ставете го путерот или маслото во тавче на оган. Кога ќе се загрее, додадете го брашното со постојано мешање. Веднаш после брашното додадете го млекото и тоа треба да се крчка на тивок оган 5-10 минути, додека се не се соедини. Цело време мешајте. Посолете по вкус. Брокулата кратко се бланшира ( во зовриена вода се остава да стои една минута и се вади), потоа се реди во огноотпорен сад, се прелива со бешамел сосот и врз него се ренда кашкавал. Се запечува во рерна 10-12 минути, доволни кашкавалот да фати коричка.

ПОВРЗАНИ НАПИСИПОВЕЌЕ ОД АВТОРОТ