Потребно:
- 300 мл млака вода
- 300 гр брашно
- 2 лажички инстант квасец
- 1 лажица мед
- Сол
- 1 лажица маслиново масло
Додатоци:
- Крупна сол
- Рузмарин
- Маслинки
- Сушени домати
Подготовка: Измешајте вода, квасец и мед, оставете да отстои 5 – 10 минути. Во поголем сад измешајте ги брашното и солта, а потоа истурете ја смесата од вода и квасец и една лажица маслиново масло. Измешајте сè до хомогена смеса, покријте го со крпа или пластична фолија и оставете на топло место да отстои 30 минути. Премесете го тестото, па оставете го покриено 30 мин. Премесете уште еднаш, треба да отстои уште 30 минути, но може веднаш да се префрли во тава или да се остави да отстои во сад покриено. Тавчето намастете го со малку маслиново масло и ставете го тестото. Откако тестото е отстоено, намасетете го и обликувајте го со прсти. Посипете со сув или свеж рузмарин. Поголемите додатоци како маслинки и суви домати притиснете ги во тестото, на крајот посипете со крупна сол. Загрејте ја рерната на 210 степени и печете додека кората не порумени, во зависност од рерната, 20-30 минути. Добар апетит!
