РЕЦЕПТ НА ДЕНОТ: Чиа пудинг

Вака подготвениот чиа пудинг е одлична здрава замена за слатките задоволства во кои уживаат децата. Ова е здрава алтернатива на десерт во кој најмладите ќе уживаат, без грижа за внесените нездрави шеќери кои се почесто се дел од детската исхрана.

Потребно:

  • 2,5 дцл млеко
  • 100гр чиа семе
  • Половина чаена лажичка екстракт од ванила
  • 1 лажица мед (за помали деца, користете кокосов шеќер или агаве сируп)
  • Сезонско овошје по желба
  • Јаткасти плодови

Подготовка: Во млекото измешајте го чиа семето, ванилата и медот (или засладувачот кој сте го избрале според потребите на детето), и мешајте додека не добиете еднолична смеса. Потоа, смесата ставете ја во фрижидер околу 45 минути. По тоа време, извадете ја смесата од фрижидер, и додадете по желба некое сезонско овошје или јаткасти плодови.