Потребно:
- 15 сушени урми
- 250гр бадеми
- 330мл бадемово, овесно или млеко од соја
- 150гр темно чоколадо
- 2 банани
Подготовка: Тавчето подмачкајте го со кокосово масло и оставете го настрана (правоаголно тавче 35х12цм или округло тавче со пречник 22цм). Урмите исчистете ги од семките и ставете ги во блендер, додадете 200гр бадеми, па мешајте додека смесата не се соедини. Добиената смеса убаво втиснете ја рамномерно на дното и ивиците на тавчето. Чоколадото искршете го на парчиња и ставете го во огноотпорен сад. Млекото загрејте додека не проврие, па прелијте го чоколадото и мешајте додека не добиете мазна маса. Излијте го чоколадото врз кората во тавчето. Бананите исечете ги на кругчиња и наредете ги врз чоколадото. Исечкајте 50гр бадеми и наросете ги врз тортата. Оставете го десертот во фрижидер околу еден час, а може и повеќе, пред да го послужите.
