Потребно:
- 4кг сливи
- 600гр шеќер
- 200гр чоколадо (подобар избор е темно чоколадо)
- 5 лажички рум
- 1 лажичка цимет
Подготовка: Сливите се мијат и се вадат семките. Во големо тенџере се ставаат сливите, се додава шеќерот и се додава вода за се тоа да се свари. При варењето ќе се формира пена, може да ја вадите, но не е нужно. По 20 минути проверете дали сливите омекнале, ако не се, оставете ги да вријат уште малку. Кога ќе омекнат, со рачен блендер испасирајте ги или изгмечете со вилушка или друга алатка, па оставете да вријат уште неколку минути. 
Потоа додадете го чоколадото и румот и мешајте додека чоколадото не се стопи. Се заедно нека се вари уште 10 минути, а потоа додадете го циметот. Убаво измешајте и џемот е готов. Ставете го џемот во тегли, загрејте ја рерната на 100 степени, превртете ја теглата наопаку и оставете 5 минути да се создаде вакум.
