Потребно:
- 550 мл млако млеко
- 3 кесички сув квасец
- 4 лажици шеќер
- 1 кг брашно
- 3 јајца
- 1 прашок за печиво
- Малку сол
- 1 лажица рум
- 1 л масло
- Шеќер во прав
- Кора од лимон и портокал по желба
Подготовка: Во 100 мл млако млеко додадете два квасци, мала лажичка шеќер и лажичка брашно. Оставете го 10 минути. Во друг сад измешајте 1 кг брашно, 2 жолчки и едно цело јајце, 3 лажици шеќер, прашок за пециво, малку сол, лажица рум, 100 мл масло и 450 мл млако млеко. По желба додадете рендан лимон и кора од портокал. На крајот додадете го квасецот и сè соединете. Оставете го тестото на топло место додека не се удвои во големина. Расукајте го до дебелина од 1 cm. Исечете кругови со чаша или шолја, ставете ги на набрашнета крпа и оставете ги да нараснат околу 30 минути. Во тенџере загрејте 800 мл масло. Крофните полека ставете ги во маслото на обратната страна од онаа на која лежеле. Покријте го садот и пржете ги околу една минута. Тргнете го капакот, свртете и печете една минута. Крофните се вадат на кујнска хартија за да се впијат вишокот маснотии и се посипуваат со шеќер во прав. Добар апетит!
