Потребно:
- 300 гр ладен путер
- 1/2 чаша ладна вода
- 1/4 лажичка сол
- 240 гр брашно
Подготовка: Во блендер додадете брашно, сол и 170 гр многу ладен путер исечен на коцки и убаво измешајте. Потоа додадете го преостанатиот путер и измешајте. Потоа додадете ја студената вода и блендирајте додека добро не се соединат сите состојки. Не блендирајте премногу бидејќи така може да го уништите тестото. Тестото префрлете го на набрашнета површина и кратко премесете го, па завиткајте го во проѕирна фолија и оставете го да отстои во фрижидер 30 минути. Расукајте го тестото со сукало во правоаголник. Ставете поголемо парче путер кое малку сте го развлекле. Не правете го тоа со раце, бидејќи путерот не смее да се растопи, туку ставете го во кеса за замрзнување, па со раце удрете неколку пати. Потоа свиткајте прво по должина, а потоа по ширина. Уште еднаш развлечете, па повторно преклопете по должина и ширина. Повторете ја постапката. Тестото не се растегнува премногу бидејќи путерот не смее да се гледа. Оставете го да отстои покриено со проѕирна фолија околу половина час. После тоа, повторно развлечете го тестото и од него направете што сакате. Добар апетит!
