Потребно:
- 6-8 средни, потврди домати
- 500гр мелено месо
- 100гр елда
- Масло
- Сол
- Црн пипер
- 2 кромида (средна големина)
- 2 чешниња лук
- Зачини по желба (оригано, босилек, ризмарин)
- 2 топчиња моцарела
Подготовка: Кромидот ситно исчекајте го и пропржете го на масло додека не пожолти. Додадете го месото и пржете додека не ја промени бојата, а потоа намалете ја температурата и динствувајте додека не исправи цела течност. Во меѓувреме, доматите издлабете ги, исечете го горниот дел и со лажица извадете ја средината и ситно исечкајте ја. Во месото, додадете ја елдата и сите зачини и мешајте некое време за елдата да се пропржи. Потоа додадете ја ситно исечканата внатрешност од доматите и динствувајте, полека додадвајќи вода по потреба, по малку, се додека не се свари елдата. Додадете го иситнетиот лук и мешајте додека не испари вишокот течност. Со добиената смеса полнете ги доматите, наредете ги во керамичка тава или огноотпорен сад, наросете ги со исечкана моцарела и печете во претходно загреана рерна на 180-200 степени, 20-30 минути. Добар апетит!
