РЕЦЕПТ НА ДЕНОТ: Ќофтиња од грав

Ќофтињата најчесто се прават од мелено месо, а вообичаено ги правиме со сос од домати или послужени со пире од компири. Ова е рецепт за вкусни ќофтиња од зеленчук кои ќе ви се допаднат на првиот залак, а чија подготовка не е нималку напорна. Комбинацијата од различни зеленчуци, мешунки и зачини е едноставно совршена, а со вака подготвените ќофтиња доволно е да послужите само салата.

Потребно:

  • 400гр грав од конзерва
  • 8 печурки
  • 2 виолетови главици кромид
  • 2 чешниња лук 
  • 1 лажичка сол
  • 1 лажичка црн пипер 
  • 1 лажичка оригано
  • 1 лажичка слатка пиперка
  • 1 лажичка ким
  • 1 јајце
  • 8-9 лажици презла
  • 1 лажичка сенф
  • 200гр пченка од конзерва
  • 1/2 китка магдонос

Подготовка: Убаво изблендирајте еден виолетов кромид и печурките, па пропржете во тава во која сте загреале малку масло. Во блендерот додадете ги исцедениот грав, пченката, вториот виолетов кромид и чешнињата лук и кратко изблендирајте. Потоа додадете ги зачините, јајцето, презлата, сенфот и сечканиот магдонос и убаво измешајте со раце. Во добиената смеса додадете ги пржените печурки со кромидот и измешајте. Формирајте ќофтиња и пржете. Добар апетит!

ПОВРЗАНИ НАПИСИПОВЕЌЕ ОД АВТОРОТ