Потребно:
- 300гр искршени бисквити
- 200гр путер
- 1л млеко
- 3 пудинга од ванила
- 8 лажици шеќер
- 300-400гр јагоди
- 250мл слатка павлака
Подготовка: Одвојте малку млеко и во него растворете ги трите пудинга. Остатокот од млекото ставете го на шпорет и додадете го шеќерот. Кога ќе проврие, додадете ја смесата со пудинзите и варете три минути, па тргнете го садот од оган. Во врелиот пудинг ставете го путерот да се растопи, а потоа додадете ги бисквитите. Се добро измешјате, и додадете ги јагодите исечени на покрупни парчиња. Ставете ја смесата во тавче или калап обложено со проѕирна фолија и оставете да се олади. Изматете ја слатката павлака и премачкајте оладениот колач.
