РЕЦЕПТ НА ДЕНОТ: Лажна пита

Интересен рецепт за хранлив оброк, кој наликува на мусака и во кој ќе уживаат не само децата, туку и останатите членови на смејството.

Потребно ( за 6 лица):

  • 500гр смрзнат мешан зеленчук
  • 500гр компир
  • 150гр мелено месо
  • 1 кромид
  • 50мл бело вино
  • 1 лажица путер
  • 50мл млеко
  • Масло за јадење
  • Зачини по желба

Подготовка: Ситно исечканиот кромид се пржи на загреано масло, се додава меленото месо и кога месото ќе ја промени бојата се додава мешаниот зеленчук и кратко се заедно се динствува со додавање на виното. Омекнатиот зеленчук се зачинува со зачини по желба. Излупениот и исечен компир се вари во солена вода, се процедува и се пасира со додавање на путерот и млекото. Се посолува по желба и се додава бибер и мускатно оревче. Во намастен огноотпорен сад се става мешавината на зеленчук и месо, па преку неа се распоредува пирето. Питата печете ја на 180 степени, 15 минути.