Потребно:
- 4 јајца
- 1 брокула
- 1 лажица јаболков оцет
- 1/2 кромид
- 1/2 морков
- 1 пиперка
- 60 гр фета сирење
- 1 лажичка италијански зачини
- 60 гр пармезан сирење
Подготовка: Брокулата исечкајте ја на помали цветчиња, па ставете ја во длабок сад со вода во која сте додале оцет. Оставете ја така 10 минути. Потоа изрендајте ја брокулата и измешајте ја со две јајца, па посолете и побиберете. Промешајте да се соединат состојките, а потоа истурете ја смесата во подмачканиот калап за мафини. Притиснете на дното и рабовите. Печете во загреана рерна на 180°C околу 15 минути. Во меѓувреме сварете ги преостанатите две јајца, а на малку масло во тава пропржете ги ситно исечканите кромид и морков. Кога зеленчукот ќе омекне, додадете ја ситно сечканата пиперка. Готовиот зеленчук се става во сад и се додаваат ситно сечканите варени јајца и иситнетата фета. Наросете со италијанскиот зачин и сè добро измешајте.Наполнете ги мафините од брокула и посипете со пармезан. Вратете во рерна и печете уште 15 минути. Добар апетит!
