Потребно:
- Тестенини
- Карфиол
- Брокула
- 1 авокадо
- 1 чешне лук
- Сол
- Црн пипер
- Лимонов сок
- Пармезан
♦ Количината на одредени намирници е произволна
Подготовка: Лукот исечете го на тенки листови и малку пропржете го на масло. Доволно е помалку од една минута, само да пушти арома. Исечкајте брокула и карфиол, малку посолете ги и пржете додека не омекнат. Ако е потребно за време на готвењето додадете малку вода. Авокадото исчистете го и изгмечете го со вилушка, додадете малку лимонов сок да ја задржи бојата. Кога карфиолот и брокулата ќе омекнат, додадете малко црн пипер и сол. Се убаво соединете: испржениот лук, брокулата, карфиолот, авокадото и зачините. Сварете тестенини, исцедете ги и додадете го подготвениот сос. Се убаво измешајте, наросете со пармезан и уживајте. Добар апетит!
