Потребно:
За тестото:
- 200 гр брашно
- 1/2 лажичка сол
- 2 лажички прашок за печиво
- 2 јајца
- 1 лажичка екстракт од ванила
- 85 гр несолен путер
- 100 гр шеќер
- 80 мл млеко
За јаболките:
- 3 средни јаболка
- 50 гр кафеав шеќер
- 1,5 супени лажици сок од лимон
- 1 лажичка мелен цимет
- 40 гр несолен путер
За сирупот:
- 1 лажица мед
- 1 лажица шеќер
- 1 лажица вода
Подготовка: Изматете го путерот оставен на собна температура измешан со шеќер. Потоа додадете ги јајцата и ванилата и сето тоа добро изматете го. Потоа додадете го просеаното брашно со прашокот за печиво и солта, па истурете го млекото и сè добро изматете. Јаболката исечкајте ги на многу тенки кругови, а потоа секој круг исечете го на половина. Ставетет ги во сад, па додадете ги циметот и шеќерот, измешајте, па прелијте со растопениот путер и сокот од лимон. Сè убаво измешајте и оставете на страна. Истурете го тестото во калап обложен со хартија за печење, па одозгора наредете ги јаболката – вертикално. Се пече во загреана рерна на 180°C околу еден час. Во тенџере растопете ги медот, шеќерот и водата, па прелијте ја питата со јаболка. Добар апетит!
