Потребно:
- 1 јајце
- 2 лажици масло
- 1 чаша млеко
- 1 помал морков
- 1 млад кромид (само зелениот дел)
- 1/2 чаша рендано тофу сирење
- 1 чаша брашно
- 1 лажичка прашок за печиво
Подготовка: Се мати јајцето, па се додава маслото и млекото и се убаво се меша. Во смесата за палачинки додајте го ситно сечканиот млад кромид, ренданиот морков и ренданото тофу. Добро измешајте и додадете го просеаното брашно и прашокот за печиво. Додадете сол и црн пипер по желба, повторно измешајте сè добро и смесата за американски палачинки е готова. Во тавче ставете малку путер, па ставете една црпалка од смесата за палачинки. Нека биде само на средина, бидејќи палачинките треба да бидат подебели. Пржете додека не ја потрошите смесата за солените палачинки. Добар апетит!
