Потребно:
- Кори за пита
За премачкување:
- 1/2 чаша вода
- 1/2 чаша млеко
- 2 јајца
- 1/2 чаша масло
За филот:
- Фета сирење
- Чедар сирење
- Магдонос
И уште:
- 1 жолчка
- Сусам
Подготовка: Изматете ги јајцата, додадете сол, па налејте вода, млеко и масло. Сè добро соединете. Едната кора ставете ја на дното на тавчето, па премачкајте ја со смесата со јајца. Потоа, како кога правите класична гибаница, изгужвајте две кори и потопете ги во смесата со јајца. Ставете во тавчето. Во сад измешајте ја иситнетата фета, ренданиот чедар и сечканиот магдонос, па посипете врз кората. Потоа наредете уште две кори кои сте ги згужвале и потопиле во смесата со јајца, па посипете со сирењето и така редете додека не ги потрошите сите состојки. Покријте ја целата пита со последната кора. Премачкајте со изматената жолчка, па наросете со сусам и печете во загреана рерна на 200°C околу 30 минути. Добар апетит!
