ЦВЕКЛО
Цвеклото има изразено силен и впечатлив вкус и на децата често им е тешко да го прифатат, со исклучок во слатка салата. Сепак, постои една посебна, слатка кашичка која ретко бебе ја одбива, а е многу здрава.
КАШИЧКА БРОЈ 1: Јаболка, цимет и цвекло
За да го прелажете вашето малечко да изеде малку цвекло, најдобро е да го измешате со јаболко и цимет. Потребно ви е 1/3 шолја пире од цвекло, 4 лажици пире од јаболка и многу малку цимет. Измешајте ги сите состојки и веднаш послужете го детето.
МЕСО
Кај месото, на бебињата кои се навикнуваат на нови вкусови, најчесто им пречи конзистенцијата. Затоа потрудете се месото убаво да го сварите и да го испасирате, па изблендирате да не се почувствуваст конци. Сите беиња сакаат сладок вкус, затоа најлесно е месото да им го послужите во комбинација со овошје.
КАШИЧКА БРОЈ 2: Пилешко со овошје
Иако звучи како необична комбинација, бебињата ја обожаваат. Потребно ви е 150гр пилешко или мисиркино (или 100гр телешко), 3 јаболки (излупени, исечкани на коцки), 100гр ананас во коцки. Парчињата месо и јаболката налејте ги со вода и ставете да се варат на тивок оган. Оставете да се вари додека не омекне. Ананасот изблендирајте го. Кога месото и јаболката ќе бидат готови, оставете да се оладат, избленидарјте ги па додадете ги во кашата од ананас. Ако кашата е густа, доадете од бујонот во кој се варело месото и овошјето. Остатокот од кашата слободно може во коцки да го замрзнете.
БРОКУЛА
Важен зеленчук што изобилува со витамин Ц и хранливи минерали со необичен вкус, кој бебињата ретко го сакаат. Сепак, во комбинација со сирење, ретко кое дете го одбива.
КАШИЧКА БРОЈ 3: Оброк со брокула, сирење и ориз
Потребно ви е едно стебленце брокула, 50гр варен ориз и 30гр несолено сирење или урда што детето веќе го јаде. Убаво измијте ја брокулата, исечкајте ја и варете ја на пареа додека не омекне. Во друг сад сварете го оризот. Кога двете ќе омекнат, соединете ги, изблендирајте и додадете ги во урдата или сирењето.
