Момчето од Духок родителите го донеле во болница кога имал три месеци поради оток на скротумот. Сепак, лекарите тогаш забележале дека има два дополнителни пениса. Еден долг 2 см близу коренот на примарниот, и уште еден друг долг 1 см под скротумот
Момче од Ирак влезе во историјата на медицината. Родено е со три пениси.
„Колку што знаеме, ова е прв забележан случај на три пениси или трифалија“, напиша д-р Шакир Салем Џaбали во студијата објавена во „International Journal of Surgery Case Reports“.
Момчето од Духок родителите го донеле во болница кога имал три месеци поради оток на скротумот. Сепак, лекарите тогаш забележале дека има два дополнителни пениса. Еден долг 2 см близу коренот на примарниот, и уште еден друг долг 1 см под скротумот.
Аномалијата особено ги изненадила лекарите затоа што детето не било изложено на дроги во матката и немало семејна историја на генетски аберации, известија авторите на студијата.
- Бидејќи дополнителните фалуси немале функција, лекарите решиле хируршки да ги отстранат, пишува „Њујорк пост“
Сличен случај се најде на насловните страници во Индија во 2015 година, но не можеше да се провери бидејќи не бил медицински документиран, објави тогаш „Дејли Мејл“.
Инаку, дифалија (состојба кога машко дете ќе се роди со два пениса), наводно, погодува едно од 5 или 6 милиони родени момчиња, а во официјалната литература се наведени 100 вакви случаи во историјата. Лекарите сè уште не ја утврдиле причината за фаличната деформација, но ја поврзаа со други вродени аберации, како што се раѓања со два скротуми или два ануса, според истражувањето на Светската здравствена организација.
