Рускиот психолог Михаил Лабовски е еден од најпознатите психолози на денешницата, според магазинот „Форбс“. По 30 години работа со семејствата, сфатил дека однесувањето на родителите во најголема мера влијание врз развојот на детето. Затоа заклучил дека само среќните родители можат да одгледаат среќно дете.
„За детето да може да си постави добри цели и да ги оствари, му требаат родители кои со пример ќе му покажат како се прави тоа. Сакајте го вашето дете онакво како што е“, им советува Лабовски на родителите.
Не правете од детето човек кој секогаш ќе зависи од другите
Тој исто така напоменува дека родителите никогаш не треба да ги преземаат обврските на своето дете, особено кога станува збор за училиште.
„Кога ќе добие домашна задача, детето мора да сфати дека таа задача е негова должност. Родителот може да помогне кога ќе заглави некаде, но не и да понуди да направи сè наместо детето“, посочува тој.
Неговата најважна порака до родителите е да го сакаат своето дете, но не и да го „кројат“ по сопствена мерка.
„Сите тие амбиции и барања кои родителот ги поставува кон своето дете, од сопствени причини, се само показатели за сопственото незадоволство. Имајте на ум дека малите деца не лажат, тоа почнуваат да го прават со текот на годините бидејќи така се научени. Не правете од детето човек кој секогаш ќе зависи од другите“, порачува тој.
