СЕ РОДИЈА КОРОНА И КОВИД Родителите се надеваат дека со имињата „ќе го ублажат стравот и вознемиреноста од пандемијата“

Близнаците се родени во меморијалната болница „Доктор Бим Рао Амбедар“ во Раипур, Индија, во раните утрински часови на 27 март

Братчето и сестричката се родени со царски рез, а тежат 2,9 кг и 2,7 кг

Брачна двојка од Индија ги крсти своите новородени близнаци по пандемијата на коронавирус и како симбол на триумф над потешкотиите за време на карантинот

♦♦♦♦♦♦♦

Ковид и Корона се родени во меморијалната болница „Доктор Бим Рао Амбедар“ во Раипур, Индија, во раните утрински часови на 27 март.

Родителите Винај и Преети Верма од Чатисгар, објасниле дека избрале невообичаени имиња за нивните новороденчиња за да го ублажат стравот и вознемиреноста поврзани со зборовите и да го направат раѓањето незаборавно.

  • Сепак, двојката, исто така, истакна дека е можно подоцна и да ги преименува своите деца

Близнаците беа родени со царски рез во раните утрински часови на 27 март, „во рок од 45 минути по пристигнувањето во болницата“, а тежат 2,9 кг и 2,7 кг.

Винај и Преети Верма од Чатисгар со своите близнаци

„Навистина вирусот е опасен и загрозувачки по животот, но неговата епидемија ги натера луѓето да се фокусираат на санитарните услови, хигиената и да практикуваат други добри навики. Така, дојдовме до идејата за овие имиња“, изјави 27-годишната мајка.

„Кога вработените во болницата, исто така, почнаа да ги нарекуваат бебињата Корона и Ковид, конечно решивме да ги крстиме по пандемијата“, додаде таа.

Извор: Дејли мејл