Сè што треба да знаете за утринските мачнини во бременоста

Во бременоста жените блескаат од среќа, но не е се така убаво – некои на почетокот имаат утрински мачнии, а еве кога би требало да престанат и како да ги ублажите.

Иако се нарекуваат утрински, мачнините во бременоста и не мора да се јават само наутро, туку бремените жени може да ги имаат во било кој период од денот. За многу жени, токму мачнините се првиот симптом за бременост, а обично се јавуваат пред 9. недела од бременоста. Во повеќето случаи минува до второто тромесечие, но може да се случи да траат и подолго.

Утринските мачнини може да бидат благи – мачнина која трае кратково текот на денот и ретко доаѓа до повараќање, или посилни – трае по неколку часа дневно и трудниците повраќаат повеќе од два пати во денот.

Заедно со мачнините, кај трудницата може да се јави и интолеранција на одредена храна, напитоци или мириси.

Мачнините и повраќањето обично не се штетни по фетусот, а некои истражувања дури и покажуваат дека колку е посилна утринската мачнина, толку е помал ризикот од спонтан абортус. Исто така, постојат некои податоци кои укажуваат дека трудниците кои носат женско дете имаат мачнини почесто од оние кои носат машко дете.

По прашање на мачнините, нема многу што може да се направи, но од помош ќе биде ако наутро по станување консумирате сув тост, двопек или крекери, ако внесувате доволно течности и јадете почесто, но помали оброци кои не се масни. И чајот од ѓумбир може да ги смири овие мачнини.