Шпанија денес им се придружи на Германија, Франција и Италија во стопирање на употребата на вакцината на „АстраЗенека“ како одговор на мал број на луѓе низ Европа кои страдаат од тромби, а некои и умираат, по примање на вакцината.
-
Суспензијата во Шпанија ќе трае две недели, објави министерката за здравство Каролина Даријас на прес конференција на националната телевизија
Тоа е „привремена и претпазлива“ суспензија, рече таа, „сè додека ризиците не бидат евалуирани од Европската агенција за лекови“.
ЕМА денеска повтори дека придобивките од вакцината ги надминуваат ризиците и дека податоците не покажуваат дека луѓето имаат поголема веројатност да имаат згрутчување на крвта по примањето на вакцината.
Сепак, Агенцијата има вонреден состанок во четврток по ова прашање. (Си-Ен-Ен)
