Што имаат заедничко кафето, мајчиното млеко и кељот?
Сите тие имаат моќ скромно да ги намалат вашите фактори на ризик за Ковид-19, според новата студија за тоа како исхраната влијае на имунитетот.
Истражувачите од Универзитетот Нортвестерн во Чикаго користеле податоци од Биобанк во Обединетото Кралство за да ја испитаат поврзаноста помеѓу однесувањето во исхраната од 2006 до 2010 година и случаите на Ковид-19 од март до ноември 2020 година кај истите луѓе.
Во студијата биле вклучени 38.000 учесници кои направиле тест за Ковид-19. Околу 17 проценти биле тестирани позитивно на коронавирус. Се покажало дека специфичната храна што се користела во студијата влијаела на имунолошкиот систем во претходните студии на луѓе и животни.
Храна што го намалува ризикот од Ковид-19 за 10 проценти:
- Кафе (1 или повеќе шолји дневно)
- Зеленчук (2-3 порции, варен или суров, без компири)
- Мајчино млеко (биле доени како бебе)
Храна што немала влијание вклучувала чај, овошје и црвено месо.
Преработеното месо како виршли и сувомеснати производи биле поврзани со поголем ризик. Дури половина порција преработено месо дневно може да го зголеми ризикот од Ковид-19 за 10 проценти, велат истражувачите.
Но како?
Студијата можеби не може да ги утврди причините и последиците, но експертите сугерираат дека врската помеѓу исхраната и Ковид-19 се однесува повеќе на воспалението отколку на која било состојка во храната.
Иако здравата исхрана може да помогне да се спречат факторите што придонесуваат за болести како што се дебелина, дијабетес и срцеви заболувања, само добрата исхрана не е доволна и вакцината е единствениот и најефикасен начин за спречување на Ковид-19
Што велат експертите
„Општо земено, има смисла бидејќи кафето и зеленчукот се поврзани со намалено воспаление и со тоа подобра имунолошка функција“, вели д-р Пурви Парих, алерголог (за деца и возрасни) и имунолог од Њујорк и портпарол на Allergy & Asthma Network.
„Иако механизмот не е познат, тој дополнително потврдува дека поздравиот начин на живот е поврзан со подобри исходи од Ковид, бидејќи оние кои биле дебели, имале срцеви заболувања или дијабетес поминале многу полошо отколку оние кои ги немале тие состојби“, рече Парих за „Healthline“.
Понатаму, Кристина Мејер-Џакс, здравствен советник, рече дека новото истражување уште еднаш открива дека луѓето кои биле доени како бебиња, имаат исхрана со повисок процент на растителна храна, и јадат помалку преработено месо и нездрава храна, и имаат подобри шанси против акутни и хронични заболувања.
„Сепак, потребни се повеќе истражувања за исхраната и ризикот од Ковид-19 за да се дадат силни препораки за исхраната“, вели Мејер-Џакс.
Парих рече дека иако здравата исхрана може да помогне да се спречат факторите што придонесуваат за болести како што се дебелина, дијабетес и срцеви заболувања, „само добрата исхрана не е доволна и вакцината е единствениот и најефикасен начин за спречување на Ковид-19“. (Healthline)
