Го сакате своето дете безусловно. Сепак, како што секој зафатен родител знае, понекогаш знае да биде тешко да се пронајде време за дишење, а не пак да му покажате на детето колку го обожувате.
За среќа, постојат некои едноставни работи кои може да ги вклучите во дневната рутина, а кои ќе го утешат вашето дете и ќе го уверат во вашоте емоции кон него. Прочитајте кои работи ги издвоила психологот Џордан.
- Поминете квалитетно време со секое дете
Ова се однесува на родители кои имаат повеќе од едно дете. Важно е да се посветите квалитетно време на секое дете поединечно, дури и да се 15 минути дневно: тие 15 минути му значат многу на детето и поради тоа знае колку е важно за вас. „Бидете специфични за вашето дете да биде свесно дека сте одвоиле време само за него“, вели д-р Џордан. Тоа може да бидат едноставни работи, како што е читање приказна пред спиење или заеднички еднодневен излет, ако имате време.
- Одредете граници
Можеби ќе ви звучи чудно, но домашните правила и граници всушност му помагаат на детето да се чувствува безбедно и утешено, дури и тогаш кога се жали околу тоа да мора да оди на спиење прерано или поради тоа што мора да остане на маса додека сите не завршат со јадење. Д-р Џордан објаснува: “Важно е да се има некој систем и правила за сите да знаат што се очекува од нив. Рамнотежата помеѓу флексибилноста и границите всушност значи посреќно и побезбедно детство“.
- Играјте си со децата
Од боење до моделирање, вашето дете уште повеќе ќе ужива во секоја активност ако и вие му се придружите. “Играта со детето помага уште повеќе да се поврзете со него, но и да му потврдите на детето дека го сакате“, вели д-р Џордан и додава дека е најдобро да учествувате во онаа игра во која сами уживате, оти со тоа ќе ви биде позабавно и за вас и за детето.
- Не го прекинувајте детето
Понекогаш децата многу зборуваат. МНОГУ. Но, дури и ако вашето дете по стоти пат ве прашува истото прашање – важно е да не го прекинувате. “Внимателното слушање е многу важно за детето. Во ред е ако го прекинете детето додека зборувате за некоја тема, но сеедно дозволете му на детето да завршисо она што го зборува“, објаснува д-р Џордан.
- Потрудете се да ги запознаете пријателите на вашето дете
Некои пријатели на вашето дете можат да бидат ‘малку’ иритирачки (особено оние кои едноставно одбиваат да споделат). Но, ако организирате игри и дружење и покажете интерес за пријателите на вашето дете – ќе му покажете на детето колку ви е важно. “За детето многу значи ако ги поканите неговите пријатели да играат и ако се обидете да ги запознаете. Сето тоа е дел од нашето учество во животот на нашите деца”, заклучува д-р Џордан.
