И кај мајките и кај ќерките постои, истовремено, и потреба за блискост и потреба за самостојност и независност. Постои желба да се расте и страв да се пушти. Постои љубов и чувство на вина. Сето тоа е вообичаен дел од секој однос кој е толку емоционално близок.
Сепак, покрај сето ова, постојат и погрешни обрасци на однесување на мајките кои траат со години и се пренесуваат од колено на колено, а Михаил Лебковски ги наведува најтипичните грешки со кои мајките на ќерките, како што вели тој, може да им го уништат животот.
- Мора да бидеш пријатна и да знаеш да готвиш
Најголема грешка е кога мајката на својата ќерка и вели: “Треба да бидеш фина, пријатна, мораш на сите да им се допаднеш, мора да научиш да готвиш“. Нема ништо лошо во готвењето, но девојчето оваа реченица во својата глава ја меморира како “ќе ме сакаат само ако знам да готвам и ако сум фина“. Ако сакате ќерката да биде вешта во кујна, кажете и “ајде денес заедно да направиме ручек“, па кога ќе види дека мама ужива во тоа, ќе посака и сама да научи.
- Сите мажи сакаат само едно
Оваа реченица, девојчињата никогаш не би требало да ја слушнат од своите мајки. Или некоја од типот: “Штом ќе најде подобра, тој си оди“, “Треба да биде непристапна, да не се даваш лесно“. Поради ови реченици, девојчето ќе порасне во уверување дека мажите се агресори, силувачи, и дека сексуалниот однос е нешто валкано и лошо, нешто што треба да го избегнува. Истовремено, нејзиното тело ќе почне да и испраќа сигнали со годините, хормоните ќе почнат да беснеат, а оваа внатрешна контрадикција помеѓу забараната што доаѓа од мајката и желбата што доаѓа одвнатре е исто така многу трауматична.
- Мораш да се омажиш
Ако на ќерката на 20-годишна возраст и велите дека мора да се омажи и дека пред неа е “последниот воз“, добро размислете. Ако додека била мала сте и зборувале што се треба да направи за да се омажи, а потоа дека сите мажи се лоши и дека сакаат само едно, резултатот ќе биде – страв од интимност, зближување и врска.
- Јави ми се штом стигнеш
Не оди на прошетка, не се дружи со тие деца, јавувај се на секој половина час, зошто задоцни пет минути. Со ваквите пораки на девојчињата не им се дава никаква слобода, не им се дава право да донесуваат одлуки, оти тие одлуки може да се покажат за погрешни. Но, тоа е нормално!. Во периодот од 14-16 години, нормален тинејџер е во процес на одвојување, сака се да одлучува сам и тоа мора да му се дозволи.
- Иста си како татко ти
Создавањето негативна слика за таткото е недозволиво. Не е важно дали таткото е дел од семејството или мајката го расте детето без негово учество, неприфатливо е претворањето на таткото во демон. Не може да и кажете на ќерката дека нејзините недостатоци се наследени од татко и. Не може да го окривувате таткото, каков и да е тој. Ако навистина бил лош, тогаш мајката треба да го признае својот дел од одговорноста за фактот дека токму таква личност избарала за татко на своето дете. Во овој случај, детето не е виновно, затоа и не треба да му го наметнувате како вистина.
- Глупава си и неспособна
Никогаш не смеете а го потценувате или навредувате своето дете, пти во спротивно ќе создаде нездрава слика за себе. Нема да расте со чувство на самозадоволство, самоприфаќање и љубов кон себе. Ова е гаранција за нејзина несреќна иднина.
