Студија во „British Medical Journal“: Ниту едно здраво дете не починало од COVID-19

Научниците откриваат дека шестe млади жртви на коронавирус во Велика Британија веќе имале сериозни здравствени проблеми кога биле погодени од вирусот

Научниците од Универзитетот во Ливерпул откриле дека еден процент од хоспитализираните деца починале, во споредба со значително повисоките 27 проценти кај возрасните
Шест деца починале, но сите имале други сериозни здравствени проблеми како што се рак или церебрална парализа кога биле нападнати од COVID-19

Здравите деца не умираат од коронавирус и само оние кои биле сериозно болни пред да се заразат со вирусот се изложени на ризик, потврди најновата британска студија, финансирана од Владата.

Ниту едно здраво дете не починало од вирусот во Велика Британија, велат истражувачите.

Шест деца починале, но сите имале други сериозни здравствени проблеми како што се рак или церебрална парализа кога биле нападнати од COVID-19.

Истражувањето открило дека ризикот за децата е „неверојатно низок“, само мал дел од нив завршуваат во болница, а смртта е „исклучително ретка“.

Шест деца на возраст под 15 години починале од коронавирус во Англија и Велс од почетокот на пандемијата, заедно со уште девет на возраст од 15 до 19 години.

Научниците од Универзитетот во Ливерпул откриле дека еден процент од хоспитализираните деца починале, во споредба со значително повисоките 27 проценти кај возрасните. Ова значи дека додека еден од четворица возрасни кои завршиле во болница со COVID-19 имале фатален крај, кај децата тоа е само едно од 100 деца.

Истражувањето, објавено во престижниот „British Medical Journal“, дојде во време на жестока дебата за тоа дали децата во Англија треба(ше) да се вратат на училиште во септември.

Истражувањето открило дека ризикот за децата е „неверојатно низок“, само мал дел од нив завршуваат во болница, а смртта е „исклучително ретка“

Родителите треба да бидат уверени дека нивните деца нема да бидат загрозени со враќање на училиште, велат научниците кои ја водеа студијата.

Но, синдикатите и другите експерти се загрижени дека со отворањето на училиштата нема да бидат загрозени само децата, туку и нивните родители, баби и дедовци и возрасниот персонал во училиштето.

„Студијата е смирувачка“, изјави д-р Лиз Витакер, експерт за инфективни болести на Кралскиот колеџ за педијатрија и детско здравје.

„Многу мал број деца се примени на интензивна нега и истражувачите пријавија многу ниска стапка на смртност – особено во споредба со возрасните, но исто така и во споредба со стапката на смртност поради други инфекции и други причини за смрт кај децата“.