Вработените татковци поминуваат во просек по 35 минути со своите деца секој ден, додека во 70-тите имале само пет минути за нив, утврдила заедничка студија на Универзитетот Лондон и на шпанскиот Универзитет Севиља. Тие поминуваат седум пати повеќе време заедно отколку пред 40 години, пишува Daily Mail.
И мајките денес поминуваат повеќе време со своите деца. Во 1974 година со своите малечки поминувале само 15 минути дневно, а денес речиси еден час. Начинот на кој го поминуваат времето со своите деца зависи од социјалното потекло на самите родители. Се покажало дека пообразованите родители почесто помагаат во домашните задачи и училишните активности, додека родителите со пониско образовно ниво немаат намера да учествуваат во нивното учење.
„Колку повеќе родителите им се посветуваат на децата, особено на активностите кои се добри за нивниот развој, толку тие ќе бидат подобри“, истакнува коавторот на студијата д-р Алмудена Севиља.
