Канадската терапевтка Викторија Продај предупредува дека децата се се полоши во училиште и се емоционално нестабилни поради прекумерната употреба на технологијата и “лошото“ родителство. Таа го опишува она што го гледа како загрижувачки тренд во однесувањето на децата.
“Во текот на моите десет години како детски терапевт, сум видела и продолжувам да гледам пад во социјалното, емоционалното и академското функционирање на децата. Како и наглото зголемување на потешкотиите во учењето и другите дијагнози“, предупредува и додава:
“Денес децата се во катастрофална емоционална состојба и многу работи од нашиот модерен начин на живот водат до тоа. И покрај нашите најдобри намери, за жал, го менуваме мозокот на нашите деца во погрешна насока“.
Со цел да апелира на родителите, таа наведува пет причини зошто тоа се случува, а се работи за следните навики:
-
Децата добиваат се што сакаат кога сакаат и не поднесуваат да им се каже „не“
-
Имаат многу ограничена социјална интеракција
-
Родителите создаваат вештачки свет на забава за децата каде што не постои досада
-
Децата премногу ја користат технологијата, што емотивно ги исклучува
-
Родителите не поставуваат цврсти граници.
Таа исто така нагласува дека родителите можат да направат разлика во животот на детето “вежбајќи“ го неговиот мозок за да може успешно да функционира на социјално, емоционално и академско ниво.
Тоа е првенствено поставување на граници, водење сметка за она што е добро за детето, а не она што детето го сака во одреден момент, ограничување на користењето на технологијата и учење на децата на нивните обврски, што ќе биде одредена основа за нивната иднина.
