Треба ли на бебето да му се дава вода?

Иако во праксата се среќаваат различни ставови на педијатри, официјалниот став на најеминентните педијатриски здруженија базиран на добро поткрепени студии е јасен – вода не е неопходна на бебето во првите шест месеци или додека не почне да внесува немлечна храна (некои родители почнуваат порано да воведуваат немлечна храна).

И покрај бројните обиди еднаш засекогаш да се резреши прашањето дали на бебето му е потребна вода во перидот додека се храни исклучиво со млеко, тоа останува едно од најчесто поставуваните.

Иако во праксата се среќаваат различни ставови на педијатри, официјалниот став на најеминентните педијатриски здруженија базиран на добро поткрепени студии е јасен – вода не е неопходна на бебето во првите шест месеци или додека не почне да внесува немлечна храна (некои родителите почнуваат порано да воведуваат немлечна храна).

Препораката се однесува на сите здрави бебиња, кои се хранат со мајчино млеко или адаптирана формула, бидејќи процентот во нив е сличен, околу 88%.

“Не е потребно, не значи и “опасно е“. Значи, можете да му понудите на бебето вода, но не во текот на првиот месец од животот, не пред подој, туку исклучиво меѓу два оброка и водете сметка каква вода нудите.

Водата мора да биде микробиолошки и биохемиски исправна.

Водата од водовод неопходно е да се преврие пред употреба (да врие минимум пет минути). Во водата не додавајте ништо, ни шеќер, ни лимон, ни сок… Ако бебето едноставно не сака да пие, не му ја нудете!

Кога ќе почнете со воведување на немлечна храна, почнете редовно да му нудите на бебето вода помеѓу оброците, повторно без никакви додатоци. Со оглед дека бебешката храна се подготвува без сол и шеќер, очекувајте дека детето нема веднаш да биде заинтересирано за вода, бидејчи потребата и натаму се задоволува со млекото. Не бидете во искушение на детето да му понудите сок, само за нешто да испие, за да не создадете штетна навика, бидејчи бебето прво ќе одбере сок, наместо вода.