Атопискиот дерматитис е хронична долготрајна болест на кожата. Се манифестира со црвенило (егзем), сува кожа и силно чешање. Атопискиот дерматитис најчесто се јавува кај децата. Истражувањата покажуваат дека околу 20% од децата во предучилишната возраст ја имаат оваа кожна болест. Промените на кожата најчесто почнуваат во нараниот период, од вториот месец на животот до една година, Интензитетот на болеста со тек на годините слабее, а кај некои и во целост исчезнува до седмата година. Но, не се поштедени ниту возрасните лица, бидејќи може да се појави на било која возраст.
СИМПТОМИ
Неретко децата не можат да се контролираат да знаат да си направат крвави рани, чешајќи ги воспалените подрачја на кожата. Атопискиот дерматитис лесно се препознава по влажната кожа – течење на лимфа, суви и лушпави рани кои постојано чешаат. Најчеесто се зафатени овие делови од телото: прегибите на рацете и нозете, темето, подрачјето околу усните, зад ушите, образите и вратот. Може да дојде до инфекција на кожата како што се стафилококна и стрептококна инфекција, херпекс симплекс и кандида и во тие случаи треба веднаш да се реагира.
ПРИЧИНИ
Стручњаците оваа болест најмногу ја поврзуваат со алергијата на храна, а намирниците кои најчесто се доведуваат во врска со можните причини се агруми (портокал, лимон, мандарина), конзервирана храна, сувомеснати производи, јајца, млеко и шеќер. Меѓутоа, алергијата може да биде и на детергенти за перење алишта, садови, но и на омекнувач за алишта, шампони за коса и сапуни. Секое средство кое доаѓа во контакт со кожата.
Но, вистинската причина за болеста не е позната, но се знае дека во кожата доаѓа до намалување или губење на липидниот слој кој ја задржува влагата и на кожата и обезбедува влажност, еластичност и отпорност на надворешни влијанија.
Што и пречи на вака чувствителната кожа?
- Топлата вода ја суши кожата, па треба да се избегнуваат долги и жешки купки
- Температурните промени знаат да ја влошат состојбата на кожата кај децата со атописки дерматитис
- Доколку имате домашен миленик водете сметја за хигиената, бидејќи влакната од животните може да предизвикаат дополнително чешање на веќе иритираната кожа.
